મૂવી રિવ્યુઃ ઠાકરે ,નવાઝુદ્દીન સિદ્દીકી ની એકટિંગ ના ફેન થઈ જશો.

11
Loading...

અમારી રેટિંગ  : 3/5

કલાકાર :  નવાઝુદ્દીન સિદ્દીકી, અમૃતા રાવ, શ્રીકાંત ભાસી

નિર્દેશક : અભિજીત પાનસે

સ્ટોરીઃ બાયોપિક

સ્ટોરીઃ

આ બાયોપિક બાલ કેશવ ઠાકરેના જીવન આધારિત છે.

એક કાર્ટૂનિસ્ટમાંથી મહારાષ્ટ્રના લોકો માટે નવી પોલિટિકલ પાર્ટી શિવ સેના ઊભી કરનારા દિગ્ગજ નેતાના જીવનના અનેક પાસા અહીં દર્શાવાયા છે.

તમને તેમના અંગત જીવનમાં ડોકિયુ કરવા મળશે. લાંબી સફર બાદ મહારાષ્ટ્રના સૌથી પ્રભાવશાળી નેતા કેવી રીતે બને છે ઠાકરે? આ ફિલ્મમાં તેમની જીવન યાત્રાની ઝલક છે.

રિવ્યુઃ

બાળા સાહેબ ઠાકરેના નામથી ઓળખાતા બાળ કેશવ ઠાકરે લોકપ્રિય નેતા હોવાની સાથે સાથે એક કોન્ટ્રોવર્શિયલ વ્યક્તિ હતા.

તેમની રાજકીય કારકિર્દીમાં અનેક રસપ્રદ ક્ષણો આવી હતી અને તેમના કેટલાક ભાષણનો કારણે હુલ્લડો પણ ફાટી નીકળ્યા હતા.

ફિલ્મમાં ઠાકરે વખણાયા છે અને વખોડાયા છે તે બંને પાસા જોવા મળશે. ફિલ્મમાં નવાઝુદ્દીન સિદ્દીકીએ પાવરફૂલ પરફોર્મન્સ આપ્યો છે અને પરદા પર બાળ ઠાકરેનું પાત્ર જીવંત કર્યું છે.

જો કે સ્ક્રીનપ્લે નબળો હોવાથી ફિલ્મ જોઈએ એવી સારી નથી બની.

જીવનની સફરઃ

આ સ્ટોરી 1960થી શરૂ થાય છે જ્યારે બાળ ઠાકરે એક પ્રેસ જર્નલ માટે કાર્ટૂનિસ્ટ તરીકે કામ કરતા હતા. ત્યાર બાદ સ્ટોરી 70,80 અને 90ના દાયકામાં આકાર લે છે.

સામાન્ય રીતે હીરોને બાયોપિકમાં લાર્જર ધેન લાઈફ બતાવવાનો હોય તો કામ આસાન થઈ જાય છે પરંતુ ઠાકરેમાં બાળ ઠાકરેની કારકિર્દીનું વાસ્તવિક ચિત્રણ છે.

એટલી હદે કે તે કોર્ટમાં ઊભા રહીને કબૂલ કરે છે કે તેમની પાર્ટીના કાર્યકર્તાઓએ બાબરી મસ્જિદ પાડવામાં ફાળો આપ્યો હતો.

ઠાકરે ક્યારેય તોળી તોળીને બોલનારામાંના નહતા. ડિરેક્ટર અભિજીત પાનસે પણ આ જ રસ્તે ચાલ્યા છે.

ઠાકરેના જીવનનું માત્ર સારુ ચિત્ર ઊભુ કરવાને બદલે તેમણે વાસ્તવિકતા બતાવી છે. હા, પણ તે ઠાકરેને લોકોના હીરો બતાવવાની કોશિશ જરૂર કરે છે.

ચિત્રણ સારુ છેઃ

ડિરેક્ટરે ફિલ્મમાં અમુક સારા નિર્ણયો કર્યા છે. જેમ કે ફર્સ્ટ હાફ બ્લેક એન્ડ વ્હાઈટમાં છે. તેને કારણે દર્શક જૂના સમયમાં પહોંચી જાય છે.

CGIની મદદથી આબેહૂબ જૂની મુંબઈ પરદા પર રજૂ કરાઈ છે. ફિલ્મમાં સાચા નેતાઓ સાચા નામ સાથે દર્શાવાયા છે અને ફિલ્મનું કાસ્ટિંગ જબરદસ્ત છે.

અમુક સિનેમેટિક ટ્રાન્ઝિશન તમારા દિમાગમાં ચોંટી જશે જેમ કે બાબરી મસ્જિદની ટોચે પડતા હથોડા પરથી સીધા જજના ગ્રેવલનો સીન.

નવાઝનો દમદાર અભિનયઃ

ફિલ્મનું સૌથી સબળુ પાસુ નવાઝુદ્દીનનો બાળ ઠાકરે તરીકેનો અભિનય છે. એક્ટરે ઠાકરેના બોલચાલની નકલ કરવાની કોશિશ ન કરીને સમજણનું કામ કર્યું છે.

નવાઝ મિનિમલ મેકઅપમાં દેખાય છે અને શિવસેનાના સુપ્રીમોના પાત્રને પૂરો ન્યાય આપે છે.

રસપ્રદ વાત એ છે કે 2016માં નવાઝે પોતાના ગામ બુધનામાં રામલીલા પરફોર્મન્સ પડતુ મૂકવું પડ્યું હતું કારણ કે શિવસેનાના કાર્યકર્તાઓએ તેના વિરુદ્ધ ફરિયાદ કરી હતી.

ત્યાર પછી નવાઝે આદિત્ય ઠાકરેનો સંપર્ક કરી મામલો થાળે પાડવો પડ્યો હતો. અમૃતા રાવનો સાવ નાનો અને નગણ્ય રોલ છે.

જ્યોર્જ ફર્નાન્ડિઝ, શરદ પવાર અને બીજા પાત્રોએ નવાઝના પાત્રને ફિલ્મમાં સારો સપોર્ટ આપ્યો છે.

કેવી છે ફિલ્મ?

ફિલ્મમાં ઠાકરેને જેવા હતા તેવા ચીતરાયા છે. ફિલ્મની પ્રામાણિકતા બિરદાવા લાયક છે પરંતુ ફિલ્મમાં સ્પષ્ટતાનો અભાવ છે.

વધુ અનુભવી લેખકે ફિલ્મ લખી હોત તો કમાલ થાત. નવાઝના પરફોર્મન્સને કારણે ફિલ્મના નબળા પાસા ઢંકાઈ જાય છે. ફિલ્મને અમારી તરફથી 3 સ્ટાર.



આવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING  માં જઈ SEE FIRST કરજો એટલે તમને તરત અપડેટ મળશે.

જો તમારે અવનવી મજેદાર પોસ્ટ અને આર્ટીકલ વાંચવા હોય તો અમારા આ પેઇઝને લાઇક કરવાનું ભૂલશો નહીં.

આ પેઇઝ પર તમને બધી પ્રકારની માહિતી મળતી રહેશે,

જે કદાચ તમે ક્યાંયે વાંચી નહીં હોય. અત્યારે જ લાઇક કરો ફેસબુક પેઇઝ “Gujjutech” ને..

ઇન્સ્ટાગ્રામ પર ફોલ્લૉ કરવા અહીં ક્લીક કરો : gujjutech.in

આ લેખનું લખાણ કોપી કરતા પહેલા અમારી લેખિત મંજુરી લેવી જરૂરી છે.

આ લેખ તમને ગમ્યો હોય તો તમારા મિત્રો સાથે શેર કરી શકો છો આર્ટિકલ વાંચવા બદલ આભાર

અમારા whatsapp ગ્રુપ માં જોડાવા માટે અહીં ક્લિક કરો



તમને કદાચ ગમશે

Loading...