3Dમાં આવી રહી છે ફિલ્મ ‘ધ લાયન કિંગ’, આવો ક્યૂટ દેખાશે લિટલ સિમ્બા

77
Loading...

Lion king નવા અવતારમાં આવી રહ્યો છે ‘ધ લાયન કિંગ’

બાળપણમાં તમે તેની ગેમ ખૂબ રમ્યા હશો, કે પછી તેના કાર્ટૂન પણ જોયા હશે. હવે તૈયાર થઈ જાઓ ‘ધ લાયન કિંગ’

સાથે તમારા બચપનની યાદો ફરી તાજી કરવા, અને તે પણ એક નવા જ અવતારમાં. 2019માં રિલીઝ થનારી આ

ફિલ્મનું ટીઝર લોન્ચ થઈ ગયું છે, અને તે ધૂમ મચાવી રહ્યું છે.

ટીઝરને મળ્યો જોરદાર રિસ્પોન્સ

વોલ્ટ ડિઝનીએ પોતાની અપકમિંગ એનિમેટેડ 3D ફિલ્મ ધ લાયન કિંગનું ટીઝર લોન્ચ કરી દીધું છે, જેને 24 કલાકથી

પણ ઓછા સમયમાં 90 લાખથી પણ વધુ લોકો જોઈ ચૂક્યા છે. આ ફિલ્મ આખી દુનિયામાં 19 જુલાઈ 2019ના રોજ

રિલીઝ થવાની છે. ફિલ્મમાં બતાવાયેલો લાયન કિંગ સિમ્બાનો બાળ અવતાર જ કોઈને પણ અચંબામાં મૂકી દે તેવો છે.

બાળ સિંહના રાજા બનવાની રોમાંચક સફર

ધ Lion king નું ડિરેક્શન ‘જંગલબુક’ ફેમ ડિરેક્ટર જોન ફેવરેઉએ કર્યું છે. ઈંગ્લિશમાં આ ફિલ્મમાં હોલિવુડના જાણીતા

કલાકારોએ પોતાનો અવાજ આપ્યો છે. ડિઝની દ્વારા રિલીઝ કરાયેલા ટીઝરમાં ‘લાયન કિંગ’ને બાળ સ્વરુપમાં

બતાવાયો છે, જે મોટો થઈને જંગલનો રાજા બનશે. આ બાળ સિંહના રાજા બનવાની રોમાંચક સફર ફિલ્મમાં બતાવાશે.

આ છે ફિલ્મની ખાસ વાત

ફિલ્મની સૌથી ખાસ વાત એ છે કે, તેને બનાવવામાં લેટેસ્ટ એનિમેશન ટેક્નોલોજીનો ઉપયોગ કરાયો છે, જેમાં લાયન

કિંગથી લઈને જંગલના તમામ પ્રાણીઓ અને ત્યાં સુધી કે જે આફ્રિકન જંગલનો મૂળ વાર્તામાં ઉલ્લેખ છે તે તમામ બિલકુલ ઓરિજિનલ લાગશે.

જંગલબુકની સફળતાનું પુનરાવર્તન થશે?

વર્ષો જૂની જંગલબુકને પણ આ સ્વરુપમાં રજૂ કરાઈ ત્યારે દર્શકો આફરિન પોકારી ઉઠ્યા હતા, અને જે પાત્રોને

અત્યારસુધી તેમણે એનિમેશન કાર્ટૂનના સ્વરુપમાં જ જોયા હતા તેને ઓરિજિનલ સ્વરુપમાં જોઈ ઓડિયન્સ ખૂબ જ

ખુશ થઈ ગયું હતું. જંગલબુકે બમ્પર કમાણી પણ કરી હતી. ધ લાયન કિંગ પણ ફરી તેનું પુનરાવર્તન કરે તેવી પૂરી

શક્યતા તેનું દોઢ મિનિટનું ટીઝર જોઈને જ લાગી રહી છે.

મૂળ સ્ટોરીથી કંઈક અલગ હશે?

જંગલબુકની જે મૂળ સ્ટોરી છે તેના કરતા ડિઝનીની ફિલ્મ ધ જંગલબુકની સ્ટોરીમાં થોડા ફેરફાર કરવામાં આવ્યા હતા,

ફિલ્મનો એન્ડ પણ મૂળ સ્ટોરીથી અલગ જ હતો, હવે જોવાનું એ રહે છે કે ધ લાયન કિંગની મૂળ સ્ટોરીમાં પણ કોઈ ફેરફાર કરાયા છે કે નહીં.

જુઓ ફિલ્મનું ટીઝર

તમને કદાચ ગમશે

Loading...