5G આવ્યા બાદ બદલાઈ જશે તમારી જિંદગી, જાણો કયા ફેરફારો થશે : જાણો વધુ

165
Loading...

2022માં ભારત આવશે 5G નેટવર્ક

5G એટલે હાઈસ્પીડ ઈન્ટરનેટ. આવતા વર્ષે એટલે કે 2019થી ઘણા દેશોમાં 5G સર્વિસ શરૂ થઈ જશે. ભારત પણ મેક ઈન ઈંડિયા અને ડિજિટલ ઈંડિયાને આગળ વધારવા માટે 5G એટલે કે ફિફ્થ જનરેશન ટેક્નોલોજી લાવવાની તૈયારીમાં લાગ્યું છે. એટલે કે હાઈ સ્પીડ ઈન્ટરનેટ આવતાં લાઈફમાં મોટાપાયે ફેરફારો થશે. 5G ઈન્ટરનેટ સ્પીડ તો વધારશે સાથે ટેક્નોલોજીની દુનિયામાં ક્રાંતિ લાવશે. તમારું ડિવાઈસ ઘરમાં રહેલા દરેક ડિવાઈસ એટલે કે ફ્રીજથી માંડીને સિક્યોરિટી સિસ્ટમ સાથે કનેક્ટેડ રહેશે. ભારતમાં 2022 સુધીમાં 5G નેટવર્ક આવી જશે.

શું છે 5G?

સૌથી પહેલા તો એ જાણવું જરૂરી છે કે 5G શું છે. 5Gને મોબાઈલ ઈન્ટરનેટની પાંચમી પેઢી કહી શકાય. થોડા થોડા વર્ષે મોબાઈલ ઈન્ડસ્ટ્રી વધારે સારી ઈન્ટરનેટ સ્પીડ માટે અપગ્રેડેશન લાવે છે. 5G એટલે કે હાઈ સ્પીડ ઈન્ટરનેટ. 5G નેટવર્ક 1 સેકંડમાં 20 ગીગાબાઈટ્સ સુધીની સ્પીડ પકડી લે છે. 3G-4Gની સરખામણીમાં 20 ગણી વધુ ઝડપથી ડેટા ડાઉનલોડ અને ટ્રાંસફર કરી શકાશે. એકસાથે ઘણા બધા ડિવાઈસને ઈન્ટરનેટ સાથે કનેક્ટ કરી શકાશે.

આ 4 ક્ષેત્રે ક્રાંતિ આવશે: સ્માર્ટ સિટીઝ

5G દ્વારા ઓટોમેટેડ કાર્સ એકબીજા સાથે વધુ સુસંગત થઈ શકશે અને ટ્રાફિક તેમજ મેપ્સ સાથે જોડાયેલો ડેટા લાઈવ શેર કરી શકશે. ધારી લો કે, શહેરોમાં સેન્સર લાગ્યા હોય તો પગપાળા જતા લોકો અને વાહનોની ગતિ પર નજર રાખી શકાય છે. સાથે જ ઓટોમેટિકલી ટ્રાફિક લાઈટ્સનું સંચાલન કરીને ટ્રાફિક જામની સ્થિતિમાંથી બચી શકાય છે.

સ્માર્ટ હોમ્સ

5G સર્વિસવાળા સ્માર્ટ હોમ્સ સિક્યોરિટી સિસ્ટમ, વિજળી અને પાણીના વપરાશને મેનેજ કરી શકશે. એક સ્માર્ટ હોમ ઘરનું દરેક કામ કરી શકશે અને વીજળીના ખોટા વપરાશ પર કામ મૂકશે. આટલું જ નહીં તમારી હેલ્થનું પણ ધ્યાન રાખશે. ઈમરજન્સી હશે તો ડૉક્ટરને પણ બોલાવશે.

ઓટોમેટિક કાર્સ

5Gની મદદથી ઓટોમેટિક કારના AI કોમ્પોનન્ટમાં સુધાર કરી શકાશે. ઓટોમેટિક કાર્સમાં ઉતાવળ કરવાથી તેનું માર્ગદર્શન નથી થઈ શકતું જેના કારણે તેને ચલાવવા માટે માનવીય હસ્તક્ષેપની જરૂર પડે છે પરંતુ 5G આવ્યા બાદ ઓટોમેટિક કાર્સનું સ્વરૂપ અને દિશા જ બદલાઈ જશે.

હેલ્થ મોનિટરિંગ

5G આવ્યા બાદ સ્વાસ્થ્ય સંબંધિત ઉપકરણો સાથે સેન્સર જોડાયેલા હશે એટલે તમારા સ્વાસ્થ્ય વિશે પળ-પળની માહિતી મળતી રહેશે. મતલબ કે, સ્વાસ્થ્ય સંબંધિત સેવાઓ વધુ સારી થશે. દાખલા તરીકે, જો તમે એક ડોક્ટર છો તો દૂર રહીને પણ દર્દીને તપાસી શકો છો. બહારના કોઈ દેશમાંથી તમે ભારતની કોઈ હોસ્પિટલમાં રહેલા દર્દીની સારવાર કે ઓપરેશન પણ કરી શકશો. 5G આવ્યા બાદ જીવનમાં ક્રાતિકારી ફેરફારો માટે તૈયાર થઈ જાઓ.

આ પણ વાંચો : વાહ! ગેમ્સ રમીને દર વર્ષે કરોડો રૂપિયાની કમાણી કરે છે આ વ્યક્તિ : જાણો વધુ

તમને કદાચ ગમશે

Loading...