વીજળીનો ખર્ચ ઘટાડવા માટે પોતાનો કુત્રિમ ચાંદો બનાવશે ચીન

76
Loading...

આ કુત્રિમ ચંદ્ર વાસ્તવિક ચંદ્રની જેમ જ ચમકશે

ચીને તેના શહેરી વિસ્તારોમાં સ્ટ્રીટ લાઈટ હટાવવા અને વીજળી પરનો ખર્ચ ઘટાડવા માટે વર્ષ 2020 સુધી પોતાનો જ કુત્રિમ ચાંદો લોન્ચ કરવાની યોજના બનાવી છે. ચાઈના ડેઈલીએ શુક્રવારે જાહેર કરેલા રિપોર્ટ પ્રમાણે દક્ષિણ પશ્ચિમી સિચુઆન પ્રાંતનું ચેંગદુ શહેર પ્રકાશ ઉત્પન્ન કરવા માટે એક ઉપગ્રહ બનાવી રહ્યું છે. આ કુત્રિમ ચંદ્ર વાસ્તવિક ચંદ્રની જેમ જ ચમકશે, પણ તેની તુલનામાં આઠગણી વધારે રોશની આપશે.

2022માં ત્રણ વધુ કુત્રિમ ચંદ્ર તૈયાર કરવામાં આવશે

કુત્રિમ ચાંદાની આ પરિયોજના પર કામ કરી રહેલ સંગઠન તિયાન ફુ ન્યૂ એરિયા સાયન્સ સોસાયટીના પ્રમુખ વુ ચુનફેંગે કહ્યું કે પ્રથમ માનવ નિર્મિત ચંદ્ર શિંચાંગ ઉપગ્રહ પ્રક્ષેપણ કેન્દ્રમાં તૈયાર કરવામાં આવશે અને પ્રથમ પ્રક્ષેપણની સફળતા પર 2022માં ત્રણ વધુ કુત્રિમ ચંદ્ર તૈયાર કરવામાં આવશે.

કુત્રિમ ચંદ્ર દ્વારા 17 કરોડ ડોલરની બચત થશે

ચાઈના ડેઈલીને આપેલા એક ઈન્ટરવ્યૂમાં તેઓએ જણાવ્યું કે કુત્રિમ ચંદ્રનું પ્રથમ પ્રક્ષેપણ પ્રાયોગિક ધોરણે કરવામાં આવશે પણ વર્ષ 2022માં જે ઉપગ્રહ મોકલવાનો છે તે વાસ્તવિક હશે અને તેનો ઉપયોગ મોટાપાયે નાગરિક અને વાણિજ્યિક ઉપયોગ માટે કરવામાં આવશે. સૂર્યના પ્રકાશની જેમ ચમકનાર આ ઉપગ્રહ જો 50 વર્ગ કિલોમીટર સુધીના વિસ્તારને પ્રકાશિત કરવા માટે સક્ષમ છે તો શહેરી વિસ્તારોમાં રસ્તાઓ પર લાગેલી સ્ટ્રીટ લાઈટની તે જગ્યા લઈ શકે છે કે જેનાથી વર્ષે 1.2 અરબ યુઆનની એટલે કે 17 કરોડ ડોલરની બચત થશે.

આ પણ વાંચો : ATM થી કરો મહિને લાખો રૂપિયાની કમાણી : જાણો પ્રોસેસ

તમને કદાચ ગમશે

Loading...