જાણો જાન્યુઆરી મહિના માં ફાયદો કરાવતા ૫ શેર વિષે..

44
Loading...

જાન્યુઆરી ડેરિવેટિવ્ઝ સિરીઝમાં અત્યાર સુધીમાં ફ્યુચર સેગમેન્ટમાં ઓટો ઉત્પાદકો તથા ફાઇનાન્શિયલ સેક્ટરની કંપનીઓ ભારે સક્રિય છે.

ડિસેમ્બર ક્વાર્ટરનાં પરિણામોની સીઝનના કારણે ચાલુ સિરીઝમાં નોંધપાત્ર રીતે સ્ટોક સ્પેસિફિક એક્શન જોવામાં આવશે.

ફેબ્રુઆરીના કેન્દ્રીય બજેટ આસપાસની અપેક્ષાઓ તથા વૈશ્વિક ઘટનાક્રમો પણ બજારના પ્રવાહને નિયંત્રિત કરશે.

ઇટીએ એવા પાંચ શેર પર નજર નાખી હતી જેઓ ઓપન ઇન્ટરેસ્ટમાં ઊંચા વધારા સાથે જાન્યુઆરી ફ્યુચર્સમાં મોમેન્ટમ જોઈ રહ્યા છે.

સિમેન્સ

CMP: ₹1,063

જાન્યુઆરી સિરીઝમાં ઓપન ઇન્ટરેસ્ટમાં ફેરફાર (%): 15.4

જાન્યુઆરી સિરીઝમાં શેરના ભાવમાં ફેરફાર (%): 3

આ શેર કોન્સોલિડેશન બાદ ટેક્‌નિકલ ચાર્ટ પર બ્રેકઆઉટ જુએ છે તથા લોંગ પોઝિશન ઊભી થતી જણાય છે.

મોતીલાલ ઓસ્વાલ ખાતે ડેરિવેટિવ એનાલિસ્ટ ચંદન તાપરિયાએ જણાવ્યું હતું કે આ શેર ₹1,045ના સ્તરની ઉપર ટકી ગયો હોવાના કારણે તે વધીને ₹1,100ના સ્તર સુધી વધી શકે.

એન્ટિક સ્ટોક બ્રોકિંગ માને છે કે સરકાર દ્વારા ઇન્ફ્રાસ્ટ્રક્ચર પાછળ ખર્ચ પર ભાર મૂકી રહી છે તેનો મહત્ત્વનો ફાયદો સિમેન્સને થશે.

બ્રોકરેજે તાજેતરમાં ₹1,370ની ટાર્ગેટ કિંમત સાથે સિમેન્સ પરના બાય રેટિંગને જાળવી રાખ્યું હતું.

કન્ટેનર કોર્પોરેશન ઓફ ઇન્ડિયા

CMP: ₹577

જાન્યુઆરી સિરીઝમાં ઓપન ઇન્ટરેસ્ટમાં ફેરફાર (%): 10.4

જાન્યુઆરી સિરીઝમાં શેરના ભાવમાં ફેરફાર (%): 3.2

કન્ટેનર કોર્પોરેશન જાન્યુઆરી સિરીઝમાં સૌથી વધારે ઓપન ઇન્ટરેસ્ટ મેળવનારી કંપનીઓમાંની એક છે,

જેની સાથે શેરની કિંમતમાં વધારો નોંધાયો છે જે લોંગ પોઝિશન ઊભી થઈ રહી હોવાનો નિર્દેશ કરે છે.

આ શેર તેની અનેક મહિનાઓની ઊંચી સપાટી પર છે અને જો તે ₹700ની ઉપર જળવાઈ રહેશે તો તે વધારે ઊંચકાઈને ₹735 થશે તેમ મોતીલાલ ઓસ્વાલના તાપરિયા કહે છે.

ફિલિપ કેપિટલે તાજેતરના અહેવાલમાં ₹900ની ટાર્ગેટ કિંમત સાથે કન્ટેનર કોર્પોરેશન ઓફ ઇન્ડિયા પર બાય રેટિંગ જાળવી રાખ્યું હતું.

બ્રોકરેજ અપેક્ષા રાખે છે કે FY18-FY20 દરમિયાન કંપનીની આવક તથા અર્નિંગ અનુક્રમે 19 ટકા તથા 14 ટકાના સીએજીઆર સાથે વધશે.

મુથૂટ ફાઇનાન્સ

CMP: ₹ 511.55

જાન્યુઆરી સિરીઝમાં ઓપન ઇન્ટરેસ્ટમાં ફેરફાર (%): 11.4

જાન્યુઆરી સિરીઝમાં શેરના ભાવમાં ફેરફાર (%): 3.7

સપ્ટેમ્બર ક્વાર્ટરમાં કંપનીની બેડ લોનમાં ઘટાડો થયા બાદ આ શેર સતત મોમેન્ટમમાં છે. કંપનીએ તેના બીજા ત્રિમાસિક ગાળાનાં પરિણામો ડિસેમ્બરના પ્રથમ સપ્તાહમાં જાહેર કર્યાં હતાં.

આ શેર અપટ્રેન્ડમાં છે તથા તે ₹530-540ના સ્તર સુધી ઉપર જઈ શકે તેમ છે તેમ સુશીલ ફાઇનાન્સ ખાતે ટેક્‌નિકલ એનાલિસ્ટ, ઇન્સ્ટિટ્યૂશનલ, સ્વપ્નિલ મંત્રીએ જણાવ્યું હતું.

તેમણે જણાવ્યું હતું કે જેમની પાસે આ શેર છે તેઓ તેને જાળવી રાખે પરંતુ વ્યક્તિએ આ શેરની ખરીદી ન કરવી જોઈએ કેમ કે તેમાં રિસ્ક-રિવોર્ડની સ્થિતિ તરફેણદાયક નથી.

ડિસેમ્બર ડેરિવેટિવ્ઝ સિરીઝમાં આ શેરમાં ૧૧ ટકાનો ફાયદો નોંધાયો હતો.

મહિન્દ્રા એન્ડ મહિન્દ્રા

CMP: ₹ 773

જાન્યુઆરી સિરીઝમાં ઓપન ઇન્ટરેસ્ટમાં ફેરફાર (%): 12.7

જાન્યુઆરી સિરીઝમાં શેરના ભાવમાં ફેરફાર (%): -2.8

ડિસેમ્બર 2018માં આ ઓટોમેકરે નિરાશાજનક વેચાણના આંકડા નોંધાવ્યા બાદ શોર્ટ પોઝિશનમાં વધારાના કારણે મુખ્યત્વે ઓપન ઇન્ટરેસ્ટમાં ઉછાળો નોંધાયો હતો.

ડિસેમ્બરમાં કંપનીના ટ્રેક્ટરના વેચાણમાં વાર્ષિક ધોરણે છ ટકાનો ઘટાડો નોંધાયો હતો તથા કુલ ઓટોમોટિવ વેચાણમાં વાર્ષિક ધોરણે એક ટકાનો વધારો નોંધાયો હતો.

સિટીએ એક નોટમાં જણાવ્યું હતું કે ઘરઆંગણે ટ્રેક્ટરના વોલ્યુમમાં ઘટાડો નિરાશાજનક હતો.

મોતીલાલ ઓસ્વાલના ચંદન તાપરિયાએ જણાવ્યું હતું કે તે ₹800-810ના તત્કાળ અવરોધને વટાવવામાં નિષ્ફળ રહ્યો હતો તથા તેના ઓટો સેલ્સના આંકડા બાદ ₹770ના સ્તર તરફ તીવ્ર કરેક્ટ થયો હતો.

ડાઉનસાઇડ પર તેમાં ₹750 પર તત્કાળ સપોર્ટ છે.

બેન્ક ઓફ ઇન્ડિયા

CMP: ₹106.85

જાન્યુઆરી સિરીઝમાં ઓપન ઇન્ટરેસ્ટમાં ફેરફાર (%): 10.8

જાન્યુઆરી સિરીઝમાં શેરના ભાવમાં ફેરફાર (%): 5

સરકારી માલિકીની આ બેન્કે પાછલા સપ્તાહે જણાવ્યું હતું કે, સરકારે બેન્કમાં મૂડી ઉમેરવા માટે ₹10,086 કરોડની યોજના તૈયાર કરી છે જે તેને રિઝર્વ બેન્ક ઓફ ઇન્ડિયાના પ્રોમ્પ્ટ કરેક્ટિવ એક્શન ફ્રેમવર્કની બહાર નીકળવામાં મદદ કરશે.

એન્ટિક સ્ટોક બ્રોકિંગ ખાતે એવીપી-રિસર્ચ દિગંત હરિયાએ જણાવ્યું હતું કે, “મૂડી ઉમેરવાના કારણે કદાચ બેન્ક પીસીએની બહાર આવી શકે, પરંતુ એનપીએનો મુદ્દો ગંભીર છે.

આ બેન્કોએ રિટેલ-એસએમઇ ધિરાણ કરવા માટેની ક્ષમતા વિકસાવી નથી જે સંબંધિત રીતે સલામત મનાય છે.” સ્ટેટ બેન્ક ઓફ ઇન્ડિયા સિવાયની જાહેર ક્ષેત્રની બેન્કો માટે હરિયા સાવચેત વલણ ધરાવે છે.



રોજ રાશિફળ વાંચવા માટે અમારું Whatsapp ગ્રુપ જોઈન કરો : Gujjutech

જો તમારે અવનવી મજેદાર પોસ્ટ અને આર્ટીકલ વાંચવા હોય તો અમારા આ પેઇઝને લાઇક કરવાનું ભૂલશો નહીં.

આ પેઇઝ પર તમને બધી પ્રકારની માહિતી મળતી રહેશે,

જે કદાચ તમે ક્યાંયે વાંચી નહીં હોય. અત્યારે જ લાઇક કરો ફેસબુક પેઇઝ “Gujjutech” ને..

ઇન્સ્ટાગ્રામ પર ફોલ્લૉ કરવા અહીં ક્લીક કરો : gujjutech.in

આ લેખનું લખાણ કોપી કરતા પહેલા અમારી લેખિત મંજુરી લેવી જરૂરી છે.

આ લેખ તમને ગમ્યો હોય તો તમારા મિત્રો સાથે શેર કરી શકો છો આર્ટિકલ વાંચવા બદલ આભાર

અમારા whatsapp ગ્રુપ માં જોડાવા માટે અહીં ક્લિક કરો



તમને કદાચ ગમશે

Loading...