લોકરક્ષક પેપર લીકઃ વિદ્યાર્થીઓ રોષે ભરાયા, પોલીસે કરવો પડ્યો લાઠીચાર્જ

15

Police વિદ્યાર્થીઓમાં ફૂટી નીકળ્યો ગુસ્સો

આજે રાજ્યભરમાં લોકરક્ષક દળની પરીક્ષા રદ થતાં વિદ્યાર્થીઓમાં ભારોભાર ગુસ્સો ફૂટી નીકળ્યો છે. જે ઉમેદવારોએ મહેનતથી તૈયારી કરી હોય તેમના ઉત્સાહ પર ઠંડુ પાણી ફરી વળ્યું છે.

આ ઉપરાંત પરીક્ષા રદ થવાના કારણે ઉમેદવારોના પરિવારમાં પણ નારાજગી પ્રવર્તી છે. આ ઘટનાના સમગ્ર ગુજરાતમાં આક્રમક પડઘાં પડ્યાં છે.

વિદ્યાર્થીઓનું વિરોધ પ્રદર્શન

Loading...

રાજકોટ, અમદાવાદ, બનાસકાંઠા, પાલનપુર, નવસારી, ભાવનગર સહિત ગુજરાતભરમાં ઠેરઠેર જગ્યાએ વિરોધ પ્રદર્શનો ચાલુ થઈ ગયાં હતાં. અનેક જગ્યાએ પ્રવેશ માટેની રીસીપ્ટ ફાડીને વિરોધ કરાયો હતો તો રાણપુરમાં પરીક્ષાર્થીઓએ કોલ લેટર સળગાવ્યાં હતાં.

અમદાવાદમાં શિક્ષણમંત્રીના પૂતળાનું દહન કરીને વિદ્યાર્થીઓએ પોતાનો રોષ પ્રગટ કર્યો હતો. ગાંધીનગરમાં પોલીસે હળવો લાઠીચાર્જ કર્યો હતો.

ગુજરાત સરકાર વિરુદ્ધ સૂત્રોચ્ચાર

બનાસકાંઠાના પાલનપુરમાં પોલીસ અને વિદ્યાર્થીઓ વચ્ચે ઘર્ષણ પણ થયું હતું. વિદ્યાર્થીઓએ પરીક્ષાની અણઘડ વ્યવસ્થાથી ત્રસ્ત થઈ ગુજરાત સરકારના વિરોધમાં સૂત્રોચ્ચાર કર્યાં હતાં.

આ ઘટનાના પગલે રાજ્યભરમાં કોઈ અનિચ્છનીય બનાવ ન બને તે માટે પોલીસે ચુસ્ત બંદોબસ્ત ગોઠવ્યો છે.

ખોરવાઈ વ્યવસ્થા

લોકરક્ષકની પરીક્ષા બંધ રહેતા અનેક શહેરમાં ટ્રાફિકજામની સ્થિતિ સર્જાઈ હતી, અનેક વિદ્યાર્થીઓને ઘરે જવા માટે વાહનોની રાહ જોવી પડે તેવી સ્થિતિ સર્જાઈ હતી.

સુરેન્દ્રનગર, અમદાવાદ, પાલનપુર, રાજકોટ વગેરે શહેરમાં બસ સ્ટેન્ડમાં પરીક્ષાર્થીઓ અને વાલીઓની ભીડ જોવા મળી હતી. નોંધનીય છે કે સુરેન્દ્રનગર જિલ્લામાં ૫૩ કેન્દ્રો પર અંદાજે ૧૬૦૦૦ કરતા પણ વધુ વિદ્યાર્થીઓ પરીક્ષા આપી રહ્યાં હતાં.

પેપર લીક મામલે ઉચ્ચ સ્તરીય બેઠક

પેપર લીક મામલે ઉચ્ચ સ્તરીય બેઠક પૂર્ણ થયાં પછી રાજ્ય પોલીસ વડા શિવાનંદ ઝાએ પત્રકાર પરિષદમાં જણાવ્યું હતું કે,’પરીક્ષા પહેલા પેપર લીકની બાતમી મળી હતી.

આ પછી સરકારને રિપોર્ટ કરીને પેપર રદ કરવાનો નિર્ણય લેવાયો હતો. ટૂંક સમયમાં જ ફરીથી પરીક્ષા લેવાશે. આ ઘટનાને અનુલક્ષીને ફરિયાદ દાખલ કરી દેવાઈ છે અને પોલીસ, ક્રાઈમબ્રાંચ, એટીએસ તેમજ એસઓજી આ મામલે તપાસ કરશે.’

 

જો તમારે અવનવી મજેદાર પોસ્ટ અને આર્ટીકલ વાંચવા હોય તો અમારા આ પેઇઝને લાઇક કરવાનું ભૂલશો નહીં. આ પેઇઝ પર તમને બધી પ્રકારની માહિતી મળતી રહેશે, જે કદાચ તમે ક્યાંયે વાંચી નહીં હોય. અત્યારે જ લાઇક કરો ફેસબુક પેઇઝ “Gujjutech” ને..

આ લેખનું લખાણ કોપી કરતા પહેલા અમારી લેખિત મંજુરી લેવી જરૂરી છે.આ લેખ તમને ગમ્યો હોય તો તમારા મિત્રો સાથે શેર કરી શકો છો આર્ટિકલ વાંચવા બદલ આભાર

તમને કદાચ ગમશે

Loading...