સિસ્ટમમાં ₹8,000 કરોડ ઠાલવવા RBIનો નિર્ણય: જાણો કેવી રીતે?

39
Loading...

RBI

રિઝર્વ બેન્ક ઓફ ઇન્ડિયાએ સોમવારે જણાવ્યું હતું કે તે 22 નવેમ્બરે સરકારી સિક્યોરિટીઝની ખરીદી દ્વારા સિસ્ટમમાં રૂ 8,000 કરોડ ઉમેરશે.

રિઝર્વ બેન્ક ઓફ ઇન્ડિયાના બોર્ડે તેની પાસે રહેલા રૂ 9.69 લાખ કરોડની સરપ્લસ મૂડી અંગે નિર્ણય લેવા એક હાઈ-પાવર્ડ સમિતિ રચવાનો નિર્ણય લીધો છે.

બોર્ડે કહ્યું હતું કે તે એમએસએમઇ સેક્ટરમાં સ્ટ્રેસ્ડ એસેટ્સના રિસ્ટ્રક્ચરિંગ માટે એક સ્કીમનો વિચાર કરી રહી છે.

સોમવારે RBI બોર્ડની મિટિંગ નવ કલાક ચાલી હતી.

તેમાં એવો નિર્ણય પણ લેવાયો હતો કે RBIની બોર્ડ ફોર ફાઇનાન્શિયલ સુપરવિઝન (બીએફએસ)

એવી બેન્કો અંગે નિર્ણય લેશે જેમને પ્રોમ્પ્ટ કરેક્ટિવ એક્શન ફ્રેમવર્ક (પીસીએ) હેઠળ મૂકવામાં આવી છે.

ઇકોનોમિક કેપિટલ ફ્રેમવર્ક, સભ્યપદ અને નિયમોની ચકાસણી કરવા બોર્ડ એક નિષ્ણાત સમિતિ રચશે.

તે માટેના નિયમો સરકાર અને RBI દ્વારા સંયુક્તપણે નક્કી કરાશે.

સેન્ટ્રલ બેન્કે એક નિવેદનમાં જણાવ્યું હતું કે અત્યારની તરલતાની સ્થિતિની સમીક્ષા કરીને તથા

ભવિષ્યમાં ટકાઉ લિક્વિડિટીનો અંદાજ મૂકીને આરબીઆઇએ ઓપન માર્કેટ ઓપરેશન દ્વારા સરકારી સિક્યોરિટીઝ

ખરીદવાનો નિર્ણય લીધો છે જેમાં ૨૨ નવેમ્બર (ગુરુવારે) સિસ્ટમમાં 8,000 કરોડ રૂપિયા ઠાલવવામાં આવશે.

ઓપન માર્કેટ ઓપરેશનથી તરલતાની સ્થિતિ હળવી થશે જે આઇએલ એન્ડ એફએસની કટોકટીના કારણે વિકટ બની છે.

ઓએમઓના ભાગ તરીકે આરબીઆઇ 2021માં પાકતી સરકારી સિક્યોરિટીઝ ખરીદશે. RBIએ કહ્યું કે તે 8,000 કરોડથી ઓછી ખરીદીનો વિકલ્પ પણ સ્વીકારી શકે છે.

આ પણ વાંચો : જીવનના 10 વર્ષ છીનવી રહ્યું છે પ્રદૂષણઃ જાણો વધુ

જીવનના 10 વર્ષ છીનવી રહ્યું છે પ્રદૂષણઃ જાણો વધુ

તમને કદાચ ગમશે

Loading...