21 વર્ષની જ ઉંમરે CEO બની ગયેલા સાહિલ શાહે કરી આત્મહત્યા

44
Loading...

Sahil બધું હતું છતા જીવન ટૂંકાવ્યું

ધનવાન અને રુઆબદાર પરિવારનો દીકરો, IIM કોલકાતા જેવી પ્રતિષ્ઠિત સ્કૂલમાં વિદ્યાર્થી,

ક્રીપ્ટો કરન્સી માટે કન્સલ્ટન્ટ તેમજ શહેરની નવી શરુ થયેલ રિયલ એસ્ટેટ એજન્સીના CEO ઉપરાંત

વ્યક્તિગત લાઇફની વાત કરવામાં આવે તો સાલસા ડાન્સર એવા 21 જ વર્ષના સાહિલ શાહે

પાલડી ખાતે આવેલ આકૃતિ ફ્લેટના 10 માળે પોતાના ઘરની બાલ્કનીમાંથી પડતુ મુકી આત્મહત્યા કરી લીધી છે.

તપાસમાં પોલીસે જણાવ્યું કે હજુ સુધી તેમને કોઈ સ્યુસાઇડ નોટ મળી નથી.

IIM કોલકતામાં એડમિનશન

Sahil ના પરિવારના સભ્યે કહ્યું કે,

આ જ વર્ષે સાહિલે IIM-Cમાં પોસ્ટ ગ્રેજ્યુએટ સર્ટિફિકેટ ઇન ફેમેલી બિઝનેસ મેનેજમેન્ટ (PGCFBM)માં એડમિશન મેળવ્યું હતું.

પાલડી પોલીસ સ્ટેશનમાં આત્મહત્યા અંગે નોંધાયેલ ફરિયાદ મુજબ શાહ પાછલા બે મહિનાથી ડીપ્રેશન- હતાશા અંગે સારવાર લઈ રહ્યો હતો.

જેના આધારે પોલીસ હાલ આ કેસને આત્મહત્યા નહીં પણ એક્સિડેન્ટલ કેસ તરીકે નોંધ્યો છે.

ડીપ્રેશનથી પિડાતો હતો Sahil!

પાલડીમાં પરિમલ અંડરપાસ નજીક આવેલા પ્રકૃતિ એપાર્ટમેન્ટના નવા ફ્લોર પર રહેતા શૈલેનભાઈ શાહના 21 વર્ષના યુવાન સાહીલ થોડા સમય પહેલા બીબીએનો અભ્યાસ પૂરો કર્યો હતો

અને પિતાની રિયલ એસ્ટેટ કંપની સ્પેસ અનલિમિટેડ સીઈઓ તરીકે જોડાયો હતો.

સવારે પરિવાર સાથે નાસ્તો પણ કર્યો હતો

Sahil રવિવારે સવારે પરિવાર સાથે નાસ્તો કર્યો હતો અને ત્યારબાદ પોતાના કોઈ મિત્રને મળવા જવાનું કહીને ઘરની બહાર નીકળી ગયો હતો.

જે બાદ લગભગ 9 વાગ્યાની આસપાસ તે ઘરે પરત ફર્યો અને સીધો જ બિલ્ડિંગના 10માં માળે પહોચી ગયો અને ત્યાંથી છલાંગ લગાવી દીધી હતી.

આ દરમિયાન ત્યાંથી પસાર થતા બે લોકોએ તેના પડવાનો અવાજ સાંભળતા જ દોડી આવ્યા હતા અને તેમણે પોલીસ તેમજ સાહિલના પરિવારને જાણ કરી હતી.

પાલડી પોલીસે મૃતદેહને પોસ્ટમોર્ટમ માટે મોકલી આપ્યો હતો.

પોલીસને નથી મળી કોઈ સ્યુસાઇડ નોટ

પાલડી પોલીસ સ્ટેશનના પી.આઈ. બી.એસ. રબારી જણાવ્યું કે, ‘મૃતકના માતા-પિતા અને પરિવાર હજુ પણ આ ઘટનાથી શોકમાં છે.

જેથી તેમના નિવેદન લઈ શકાયા નથી.

ઘરની તપાસ કરવામાં આવી છે પરંતુ અમને હજુ કોઈ સ્યુસાઇડ નોટ મળી નથી જેના કારણે આ પગલું ભરવા પાછળ શું કારણ હોઈ શકે તે અંગે કંઈ હાલ કહી શકાય નહીં.’

Sahil ના પગલાથી પરિવાર હજુ પણ આઘાતમાં

જ્યારે સાહિલના કઝિન જૈનમ શાહે અમારા સહયોગી ટાઇમ્સ ઓફ ઇન્ડિયાને જણાવ્યું કે, ‘સાહિલ ભાઈના આ પગલાથી સમગ્ર પરિવાર ઘેરા આઘાતમાં છે.

નિરમા યુનિવર્સિટીમાંથી BBAનો અભ્યાસ કર્યા બાદ તેણે NSEમાંથી પણ પાસિંગ સર્ટિફિકેટ મેળવ્યું હતું.

તેમજ કોલકતા ખાતે IIIMમાં એડિમિશન પણ મેળવ્યું હતું. પરંતુ આ પગલું ખૂબ શોકિંગ છે.’

ફેમેલી બિઝનેસ સંભાળતા હતો એકદમ ઉત્સાહિત

પોતાના પરિવારિક બિઝનેસમાં જોડાવા અંગે પણ સાહિલ ખૂબ જ ઉત્સાહિત હતો.

ગત મે મહિનામાં જ તેના પિતા શૈલિન શાહ જેઓ એક રિયલ એસ્ટેટ ડેવલોપર છે

તેમણે રિયલ એસ્ટેટ કંપની સ્પેસ અનલિમિટેડ શરુ કરી હતી અને સાહિલ તેમાં સીઈઓ તરીકે જોડાયો હતો.

આ સમયે તેણે ફેસબુક પેજ પર લખ્યું હતું કે, ‘હું એવું ન કહી શકું કે આ કંપનીને દુનિયાની ટોપ-500 કંપની કે પછી અબજો કમાતી કંપનીમાં ફેરવી નાખીશ.

પરંતુ મારા પારિવારિક બિઝનેસમાં CEO તરીકે જોડાઈને બિઝનેસને વિકસાવવા માગું છું.

રિયલ એસ્ટેટ સેક્ટરમાં રહેલ બ્રોકરેજ અને ભાવની અનિયમિતતાને દૂર કરીને

સામાન્ય લોકોને પરવડે તેવી સેવા તેમજ તેમની જરુરિયાત મુજબ તેઓ ખરીદી શકે તે માટે યોગ્ય કન્સલ્ટેશન આપવા માગુ છે.

મારામાં વિશ્વાસ મુકી મને સક્ષમ બનાવવા અને કંપનીની કમાન મારા હાથમાં મુકવા બદલ ફેમેલી, ફ્રેન્ડ્સ અને મેન્ટોર્સનો આભાર બસ હવે જરુર છે

તો તમારી શુભેચ્છાઓ અને આશિર્વાદની.’

ડાન્સનો હતો જબ્બરજસ્ત શોખ

સાહિલ એક સારો સાલસા ડાન્સર પણ હતો.

તેને ડાન્સનો પણ ઘણો શોખ હતો. તેના સોશયલ મીડિયા પેજ પર તેની એવી ઘણી તસવીરો જોવા મળી રહી છે,

જેમાં તે અલગ-અલગ જગ્યાએ ડાન્સ પરફોર્મ કરતો જોવા મળી રહ્યો છે.

આ ઉપરાંત ફિલ્મ અને ટીવી એક્ટ્રેસીસ સાથેની તેની તસવીરો પણ સોશયલ મીડિયા પેજ પર જોવા મળી રહી છે.

આ પણ વાંચો : આપણા દેશના એવા ૧૦ હાઈવે જ્યાં રોડ પર ફરે છે ભૂત અને પ્રેત : તમે પણ જાણી ને ચોકી ઉઠશો

તમને કદાચ ગમશે

Loading...