તહેવારોમાં સોનાનું વેચાણ વધી શકે : જાણો વધુ

56
Loading...

કોલકાતા:શેરબજારમાં હાલમાં જે અસ્થિરતા ચાલી રહી છે તેણે દશેરા તથા દિવાળીના આગામી તહેવારોમાં ભારતીય રોકાણકારોનું ધ્યાન સોના તરફ આકર્ષિત કર્યું છે, તેમ બેન્કર્સ તથા વિશ્લેષકો માને છે. રિટેલ સ્તરે જ્વેલર્સ અપેક્ષા રાખે છે કે પાછલા વર્ષની તુલનાએ આ વર્ષે વધારે સારું વેચાણ નોંધાશે કેમ કે ગયા વર્ષે કેવાઇસીના પ્રશ્નોના કારણે ગ્રાહકના સેન્ટિમેન્ટને અસર થઈ હતી. જોકે, આ વર્ષે ડોલર સામે રૂપિયો સતત ઘટી રહ્યો છે તેના કારણે સોનું 10 ગ્રામ દીઠ ₹33,000-34,000 ન થઈ જાય તે પણ જરૂરી છે.

ઇટી સાથે વાત કરતાં કોટક મહિન્દ્રા બેન્કના બિઝનેસ હેડ (ગ્લોબલ ટ્રાન્ઝેક્શન બેન્કિંગ એન્ડ પ્રેસિયસ મેટલ્સ), શેખર ભંડારીએ જણાવ્યું હતું કે, શેરબજારમાં તાજેતરમાં જે અસ્થિરતા જોવાઈ છે તેના કારણે કદાચ રોકાણો સોના જેવી સુરક્ષિત એસેટ્સમાં તબદીલ થઈ શકે. આ પીળી ધાતુ રોકાણકારોને થોડા આકર્ષિત કરી શકે.

આ વર્ષે જાન્યુઆરીથી અત્યાર સુધીમાં સોનાએ આઠ ટકા વળતર આપ્યું છે જે શેરબજારે આપેલા વળતરની સરખામણીએ ઘણું નીચું છે. સોમવારે ઝવેરી બજારમાં સોનાની કિંમત 10 ગ્રામ દીઠ ₹31,450 ચાલતી હતી.

મુંબઈ સ્થિત જ્વેલરી કંપની વામન હરી પેઠેના મેનેજિંગ ડિરેક્ટર આદિત્ય પેઠેએ જણાવ્યું હતું કે, સોનામાં રોકાણ લાંબા ગાળા માટેનું હોય છે. તેમણે જણાવ્યું હતું કે, રિટેલ સ્તરે અમે આ વર્ષે પાછલા વર્ષની તુલનાએ વધારે સારી માંગની અપેક્ષા રાખીએ છીએ, જોકે તેના માટે સોનાની કિંમત આ સ્તરથી વધારે ઊછળે નહીં તે જરૂરી છે.

નોટબંધીના કારણે તથા કેવાઇસી તથા જીએસટીના પ્રશ્નોના કારણે પાછલાં બે વર્ષથી સોનાની માંગ અટકેલી છે. આ સમયે મુખ્ય પરિબળ કિંમત છે તથા બજારમાં અનિશ્ચિતતા પણ છે. પરંતુ આ બધા છતાં પણ અમે અપેક્ષા રાખીએ છીએ કે માંગ સારી જળવાશે.

જોકે ઉદ્યોગના એક વરિષ્ઠ વિશ્લેષક કે જેઓ પોતાની ઓળખ ગુપ્ત રાખવા માંગતા હતા તેઓ અલગ મત ધરાવે છે. તેમણે જણાવ્યું હતું કે, આ વર્ષે માંગ પડેલી જળવાઈ રહેશે કેમ કે બજાર ગ્રાહકના ખર્ચ માટે અનુકૂળ નથી. વળી દેશના તમામ ભાગોમાં વરસાદ સમાન રીતે પડ્યો નથી તેના કારણે પણ ગ્રામીણ માંગને ફટકો પડી શકે.

આ પણ વાંચો

મર્યા પછી જીવતા થયા લોકો, પોતે જ જણાવ્યું શું અનુભવ થયો

2017ના છેલ્લા ક્વાર્ટર દરમિયાન સોના માટેની માંગ બે ટકા વધીને 249.3 ટન નોંધાઈ હતી. કુલ જ્વેલરી માંગ ચાર ટકા વધીને 189.6 ટન નોંધાઈ હતી જે 2017ના ચોથા ક્વાર્ટરમાં 182.2 ટન નોંધાઈ હતી. ચોથા ક્વાર્ટર માટેની રોકાણની માંગ ત્રણ ટકા ઘટીને 59.6 ટન નોંધાઈ હતી જે આગલા વર્ષના સમાન ગાળા માટે 61.8 ટન નોંધાઈ હતી. ઉદ્યોગને આશા છે કે 2018ના ચોથા ક્વાર્ટર માટે આ આંકડા વધી જશે.

વિશ્લેષકો માને છે કે ભારતમાં હાલની કિંમત કદાચ વધી શકે. મોતીલાલ ઓસ્વાલ ફાઇનાન્સિયલ્સના કોમોડિટી રિસર્ચના એવીપી નવનીત દામાણીએ જણાવ્યું હતું કે, “અમે અપેક્ષા રાખીએ છીએ કે વૈશ્વિક સંકેતોના અભાવના કારણે સોનામાં આંતરરાષ્ટ્રીય બજારમાં અસ્થિરતાને નીચી જાળવી શકે પરંતુ ઘરઆંગણે રૂપિયામાં નબળાઈના કારણે કિંમતમાં વધારો જળવાઈ શકે.”

તમને કદાચ ગમશે

Loading...