ગુજરાતના આ બે ગામમાં છેલ્લા 25 વર્ષથી નથી થયા ધામધૂમથી લગ્ન જાણો વધુ

34
Loading...

ગુજરાતના બે અલગ ગામઃ

મેરેજની સીઝન શરૂ થઈ ગઈ છે. સામાન્ય રીતે બધા જ ધામધૂમથી લગ્ન કરવા માંગતા હોય છે. આતશબાજી, ફટાકડા અને લાઉડ મ્યુઝિક તો બધા લગ્નમાં કોમન જ હોય છે.

ભારતીયો આવા ધામધૂમવાળા લગ્નને કારણે આખી દુનિયામાં પ્રખ્યાત છે. જો કે ગુજરાતના છોટા ઉદેપુરમાં આવેલા મલાજા અને દેવળિયા ગામની વાત અલગ છે.

આ બંને ગામમાં સંગીત, ડાંસ અને ફટાકડા વિના જ લગ્ન કરવામાં આવે છે.

આ છે કારણઃ

સાદાઈનો દાખલો બેસાડતા આ ગામના લોકો એ સંદેશ આપવા માંગે છે કે લાઉડ મ્યુઝિક અને ફટાકડા વિના પણ લગ્ન થઈ શકે છે.

રસપ્રદ વાત એ છે આ ગામના વડીલોએ ફટાકડા અને મ્યુઝિક પર સંપૂર્ણ પ્રતિબંધ લાદી દીધો છે જેથી ધ્વનિપ્રદૂષણ અટકાવી શકાય અને પૈસા પણ બચાવી શકાય.

છેલ્લા 25 વર્ષથી ગામમાં આ પરંપરાનું પાલન કરવામાં આવી રહ્યું છે.

પૈસા બચાવવાનો નિર્ણયઃ

મલાજાના સરપંચ જયંતિ રાઠવાએ જણાવ્યું, “ગામવાળાઓએ 25 વર્ષ પહેલા પૈસા બચાવવા આ નિર્ણય લીધો હતો.

ડીજે અથવા બેન્ડ હજારો રૂપિયા લે છે જે પરિવાર પર આર્થિક ભારણ વધારે છે. વળી આ કારણે દારૂ પીને જાનમાં થતા તમાશા પણ અટકી જાય છે.”

ગામમાં એક એવી જગ્યા છે જ્યાં વરપક્ષના લોકો ચાલીને ભેગા થાય છે. જયંતિએ જણાવ્યું, “અમારુ ગામ આમેય નાનુ છે. આથી અમે લગ્નની જગ્યા સુધી ચાલતા જઈ શકીએ છીએ.”

કોઈ નિયમ તોડવા નથી માંગતુઃ

તેમણે ભારપૂર્વક જણાવ્યું કે આટલા વર્ષ પછી પણ કોઈએ આ નિયમ તોડવા જણાવ્યું નથી.

આવા જ બીજા એક ગામ દેવળિયાના સરપંચ સોનિયાભાઈ રાઠવાએ જણાવ્યું, “અહીં કોઈ વરઘોડો નથી આવતો એટલે જ લાઉડ મ્યુઝિકનો સવાલ જ નથી ઊભો થતો.

વર પક્ષના લોકો સમયસર પ્રસંગ સ્થળે પહોંચી જાય છે અને છોકરીના ઘરેથી વિધિના સમયે પરિવારજનો આવી જાય છે. મહેમાનો તેમની અનુકૂળતાએ લગ્નમાં પહોંચે છે. “

જો તમારે અવનવી મજેદાર પોસ્ટ અને આર્ટીકલ વાંચવા હોય તો અમારા આ પેઇઝને લાઇક કરવાનું ભૂલશો નહીં.

આ પેઇઝ પર તમને બધી પ્રકારની માહિતી મળતી રહેશે,

જે કદાચ તમે ક્યાંયે વાંચી નહીં હોય. અત્યારે જ લાઇક કરો ફેસબુક પેઇઝ “Gujjutech” ને..

ઇન્સટાગ્રામ માં ફોલો કરવા ક્લીક કરો : gujjutech.in

આ લેખનું લખાણ કોપી કરતા પહેલા અમારી લેખિત મંજુરી લેવી જરૂરી છે.

આ લેખ તમને ગમ્યો હોય તો તમારા મિત્રો સાથે શેર કરી શકો છો આર્ટિકલ વાંચવા બદલ આભાર

તમને કદાચ ગમશે

Loading...