પોતાની અસ્થમાની બીમારીમાંથી પ્રેરણા મેળવીને સ્પર્ધા જીતી, 16 વર્ષની વયે બન્યો કરોડપતિ

57
Loading...

16 વર્ષની ઉંમરે જીતી વૈશ્વિક સ્પર્ધા

16 વર્ષની ઉંમરે સમય ગોદિકા કરોડપતિ બની ગયો છે. આ વર્ષની શરૂઆતમાં બેંગ્લોરના આ છોકરાએ ચોથી ‘બ્રેકથ્રૂ

જુનિયર ચેલેન્જ’ જીતી. આ વૈશ્વિક સ્પર્ધા યુએસના સનફ્રાંસિસ્કોમાં યોજાઈ હતી. સમયે આ સ્પર્ધામાં 2.9 કરોડ (4

લાખ USD) જીત્યા જેમાંથી તેને 2,50,000 લાખ ડોલર (1.8 કરોડ રૂપિયા) કોલેજની સ્કોલરશીપ રૂપે મળશે. 13થી

18 વર્ષના બાળકો માટે યોજાતી આ સ્પર્ધામાં સ્પર્ધકે 3 મિનિટનો વીડિયો લાઈફ સાયન્સ, ફિઝિક્સ કે ગણિત વિષય પર

બનાવવાનો હોય છે. આ ટોપિક સરળતાથી વીડિયોમાં સમજાવવાના હોય છે.

અસ્થામામાંથી મળી પ્રેરણા

સમયને આ કોમ્પિટિશનમાં વીડિયો બનાવવાની પ્રેરણા તેની જ સ્ટ્રગલ પરથી મળી. બેંગ્લોરની નેશનલ પબ્લિક સ્કૂલનો

ધોરણ 11નો વિદ્યાર્થી સમય અસ્થમાથી પીડાય છે. સમયે નોંધ્યું કે વહેલી સવારે અસ્થામાની સમસ્યા વધી જાય છે માટે

જ તેણે સર્કેડિયન રિધમ સમજાવતો વીડિયો તૈયાર કર્યો. સમયે કહ્યું કે, “દિવસ દરમિયાન અસ્થામાના એપિસોડ

સાધારણ રહેતા હતા પરંતુ વહેલી સવારે ખૂબ તકલીફ થતી. જ્યારે આ અંગે મેં રિસર્ચ કરવાનું શરૂ કર્યું ત્યારે મને ખબર

પડી કે આવું સર્કેડિયન રિધમ એટલે બોડી ક્લોક (શરીરની 24 કલાકની સાયકલ)ના કારણે થાય છે.”

સર્કેડિયન રિધમ પર બનાવ્યો વીડિયો

સર્કેડિયન રિધમ આપણા શરીરનું નિયંત્રણ કરે છે. જેમકે, રાત્રે 11 વાગ્યે તો શરીર આપણને ઊંઘવાના સંકેત આપે છે.

સમયે કહ્યું કે, “જેટ-લેગનું ઉદાહરણ સમજો. તમારા ઊંઘવાના ટાઈમે એટલે કે રાત્રે 3 વાગ્યે પણ જાગતા હોવ. આ

સંતુલન ખોરવાવાના કારણે બોડી સાયકલ ડિસ્ટર્બ થાય છે જેના પરિણામ સ્વરૂપે ડાયાબિટીસ કે ડિમેન્શિયા થઈ શકે

છે.” સમયે તેના વીડિયોમાં કેટલીક રસપ્રદ બાબતો જેવી કે હાર્ટ અટેક સામાન્ય રીતે વહેલી સવારે જ કેમ આવે છે અને

મોટાભાગના ઓલમ્પિક રેકોર્ડ બપોરના સમયે જ કેમ બને છે વગેરેની માહિતી આપી છે. સમયનું કહેવું છે કે આ

પ્રકારના મુદ્દા લોકોનું ધ્યાન ખેંચે છે.

બાળપણથી જ વિજ્ઞાન પ્રત્યે પ્રેમ

શરીર કઈ રીતે અસંતુલિત થઈ શકે છે તે સમજાવવા સમયે ઓર્કેસ્ટ્રાની સાદૃશ્યતા સમજાવી. એક પણ વાદ્ય જો સૂર છોડે

તો લય તૂટી જાય છે. સમયે કહ્યું કે, “મેં દવાના ભવિષ્ય વિષે પણ વાત કરી. જો કોઈ દવા ચોક્કસ સમયે લેવામાં આવે

તો સાયકલ બરાબર સેટ થાય છે. શરીરમાં સર્કેડિયન રિધમ કઈ રીતે જળવાઈ રહે છે તે જાણવા માટે આ વિષયમાં

વધારે ઊંડા ઉતરવાની જરૂર છે.” હાઈસ્કૂલથી જ યૂટ્યૂબ પ્રત્યે અને બાળપણથી વિજ્ઞાન માટે પ્રેમ ધરાવતા સમયે ગયા

વર્ષે ઓક્ટોબર મહિનામાં ત્રીજી બ્રેકથ્રૂ જૂનિયર ચેલેન્જમાં ભાગ લીધો હતો. જેમાં તેણે સ્વયંપોષકો (Autophagy) પર

વીડિયો બનાવ્યો હતો.

ગયા વર્ષે પણ લીધો હતો ભાગ

190 દેશોમાંથી હજારો એન્ટ્રી સ્પર્ધામાં ભાગ લેવા માટે આવી હતી અને તેમાંથી સમયને ડિસેમ્બર 2017 ‘પોપ્યુલર

વીડિયો’નો ખિતાબ મળ્યો. સમયે કહ્યું કે, “ગયા વર્ષે ફાઈનલ સુધી પહોંચ્યા બાદ અને પોપ્યુલર વીડિયોનો વૉટ મળ્યા

પછી આ વર્ષે સ્પર્ધામાં ભાગ લેવા ઉત્સુક હતો. મેં જાતે જ મારા દરેક બાબતને ઝીણવટપૂર્વક તપાસી અને બીજી તક

માટે મારી જાતને તૈયાર કર્યો.” 2017માં ફિઝિયોલોજી-મેડિસિનમાં નોબેલ પ્રાઈઝ જેફરી સી હોલ (Jeffrey C Hall),

માઈકલ રોબશ (Michael Rosbash) અને માઈકલ ડબ્લ્યુ યંગ (Michael W Young)ને સર્કેડિયન રિધમને કંટ્રોલ

કરતા મોલેક્યુલર મિકેનિઝમની શોધ બદલ સંયુક્ત રૂપે અપાયો હતો. આ સંશોધન પરથી સમયને ઘણી લિંક,

ઓનલાઈન આર્ટીકલ મળ્યા જે તેના રિસર્ચમાં મદદરૂપ થયા.

સ્કૂલના શિક્ષકોએ ખૂબ મદદ કરી

સ્કૂલમાં સમયના બાયોલોજી ટીચરે આ વિષયને સમજવામાં તેની ખૂબ મદદ કરી. સાથે સમયે વીડિયો તૈયાર કરતી

વખતે શું પહેરવું અને શું કરવું તે વિશે પણ તેના મિત્રો પાસેથી સલાહ લીધી. સમયે બાયોકોનના CMD કિરણ મજુમદાર

શૉ અને એલિક્ઝર વેન્ચર્સના હેડ ક્રિસ ગોપાલક્રિશ્ન પાસેથી પણ પ્રેરણા લીધી, આ બંનેને સમય ગયા વર્ષે મળ્યો હતો.

સમયે કહ્યું કે, “આ જટિલ વિષયને 3 મિનિટના જ વીડિયોમાં સમજાવવો અઘરું કાર્ય હતું. સબમિશનના છેલ્લા બે

અઠવાડિયામાં વીડિયોને 3 મિનિટ 5 સેકંડથી એક્ઝેટ 3 મિનિટમાં કટ કરવો મુશ્કેલ હતું.”

નાનપણથી જ બનાવે છે મોડલ

આટલી નાની ઉંમરે નવા આઈડિયા સાથે મોડલ બનાવવા સમય માટે નવી વાત નથી. પહેલા ધોરણથી સમય સ્કૂલની

સ્પર્ધાઓમાં ભાગ લેતો આવ્યો છે. ધોરણ 1માં સમયે ફાર્મ હાઉસ બનાવ્યું હતું. ધોરણ 4માં સમયે મિત્રો સાથે મળીને

સ્ટીમ ટર્બાઈન બનાવ્યું જે ચાલ્યું નહોતું. ધોરણ 8માં સમયે મીઠા (નમક)માંથી મોબાઈલ ચાર્જર બનાવ્યું હતું.

નાનપણથી જ સમયને તેના મોડલને સમજાવવાની પ્રેક્ટિસ હોવાથી તે કેમેરા સામે આત્મવિશ્વાસથી છલોછલ હતો.

ઉપરાંત તે યૂટ્યૂબ પર અવારનવાર વીડિયો બનાવીને મૂકતો રહે છે, ગેજેટ્સ અને અમેરિકન ફૂટબોલના રિવ્યૂ આપે છે.

આ બધી જ બાબતોએ તેને મદદ કરી છે તેમ તેનું કહેવું છે.

સ્કૂલ માટે સાયન્સ લેબ બનાવાશે

સમયને મળેલી કુલ પ્રાઈઝમાંથી તેના ધોરણ 9-10ના વિજ્ઞાન શિક્ષકોને 36 લાખ રૂપિયા (50000 ડોલર) મળશે અને

1,00,000 ડોલર (72 લાખ રૂપિયા)થી તેની સ્કૂલ માટે આર્ટ સાયન્સ લેબ તૈયાર થશે. સમય આ લેબ માટે ખૂબ

ઉત્સાહિત છે. કોલ્ડ સ્પ્રિંગ હાર્બર લેબોરેટરીઝ (ચેલેન્જ માટે ટાઈ-અપ કર્યું હતું) આ બિલ્ડિંગ બનાવવા માટે મદદ

કરશે. સમયે કહ્યું કે, “કેશ પ્રાઈઝમાંથી અમુક રકમ મારા વિજ્ઞાનના શિક્ષકોને મળશે જેમણે મને ખૂબ મદદ કરી છે.

બાકીની રકમમાંથી દુનિયાભરની પ્રતિષ્ઠિત યુનિવર્સિટીઓમાંથી એકમાં ઉચ્ચ અભ્યાસ માટે એડમિશન લઈશ.”

જીવનની સચ્ચાઈ – વાત કડવી છે પણ સત્ય છે.એકવાર જરૂર વાંચજો.

તમને કદાચ ગમશે

Loading...