જાણો શું હોવું જોઈએ તમારા પર્સમાં?

52
Loading...

સ્ત્રીઓનું પર્સ એટલે કોઈ છુપો ખજાનો, કોઈ અક્ષયપાત્ર કે જેમાંથી કેટલુંય બધું નીકળ્યા જ કરે..આમાં ઘણું બધું ખૂબ જ પર્સનલ હોય તો ઘણું આપણી જરૂરિયાત. ઘણું આપણા મનોરંજન માટે તો ઘણું સેફ્ટી માટે. સ્ત્રીઓનું પર્સ એ તેની અંગત વસ્તુ છે અને મેનર્સ તો એવું જ કહે છે કે સ્ત્રીઓના પર્સમાં શું છે એ જોવાય નહીં. પણ તેમ છતાંય ‘શું હશે પર્સમાં’ એ જાણવાની ઉત્સુક્તા બધાને હોય છે. પુરુષોને કદાચ એ જાણવું હશે કે આટલું બધુ વજન શાનું છે આ પર્સમાં અને સ્ત્રીઓને બીજી સ્ત્રી પાસે શું છે તે જાણવામાં રસ હોય છે. આ મુદ્દો ખુબ જ રમૂજી છે અને એટલો જ ઈન્ટરેસ્ટિંગ પણ… તો આપણે જોઈએ કે સ્ત્રીઓના પર્સમાં શું હોવું જોઈએ..

– સૌથી પહેલા તો જે પર્સ તમે રોજ વાપરતા હોય એ સાફસુથરું અને વ્યવસ્થિત ગોઠવાયેલું હોવું જોઈએ જેથી જે વસ્તુ જોઈએ વસ્તુ તરત મળી જાય.

– ઘરની અને તમારા ઓફીસની તેમજ વાહનની ચાવી હંમેશ સાચવીને રાખો અને ઘરેથી નિકળતી વખતે ભૂલ્યા વગર પર્સમાં મુકી દો. તમે ચાવીના બે સેટ પણ રાખી શકો છો, એક સેટ હંમેશા પર્સમાં ને એક ઘરે રહે.

– તમારા પૈસા, ક્રેડીટકાર્ડ અને આઈકાર્ડ રાખવા એક વોલેટ તમારા પર્સમાં અલગથી રાખો.

– હેન્ડ સેનીટાઈઝર કે કુલિંગ વાઈપ્સ તેમજ બોલપેન, નાની નોટપેડ જેવી વસ્તુઓ હંમેશા પર્સમાં રાખવી જોઈએ.

– થોડી બેઝીક મેકઅપ આઈટમ જેમકે, કાજલ, કોમ્પેક્ટ, લીપ બામ, કાંસકો, સનસ્ક્રીન લોશન, ફેશવોશ, લીપસ્ટીક વગેરે સાથે રાખો, જેથી ગમે ત્યારે ફ્રેશનઅપ થઈ શકો. પરફ્યુમ કે ડીઓ પણ જરૂરીયાત કે પસંદગીની વસ્તુ છે, જે પર્સમાં હોવી જોઈએ.

– જો તમે જર્ની કરતા હોય તો તમારા મનોરંજન માટે તમારા ફોનના હેન્ડસફ્રી, ચાર્જર અને પાવરબેંક સાથે રાખો. જો વાંચવાનો શોખ હોય તો તમારા ગમતા લેખકનાં પુસ્તક સાથે રાખો.

– તમને જે દવાની વારંવાર જરૂર પડતી હોય એ દવા તમારી સાથે રાખો. જો વધારે દિવસ માટે બહારગામ જવાનું હોય તો અમુક દવાના ફોટા તમારા ફોનમાં પાડી લો જેથી જરૂર પડે ગમે ત્યાંથી મેળવી શકો.

– જો તમને ચશ્મા હોય તો પર્સમાં ચશ્માનું બોક્સ સાથે રાખો. તમારી પસંદગીના ગોગલ્સ સાથે રાખો. આખા દિવસના થાકી ગયેલા ચહેરાને તથા ડલ પડી ગયેલી કે થાકેલી આંખોને ગોગલ્સ પહેરી છુપાવી શકાય. ગોગલ્સ પહેરવાથી તમારા ચહેરાની ખામી છુપાઈ જશે સાથે એક રોકિંગ લુક પણ મળશે.

– એક નાનકડી ખાલી ડબ્બી સાથે રાખો જેથી તમે પહેરેલી ચેન, બુટ્ટી જેવી નાની વસ્તુઓ તમે જ્યારે કાઢો ત્યારે સાચવીને એમાં મુકી દેવાય.

– પર્સમાં ચ્યૂઈંગમ, ચોકલેટ કે ડ્રાયફ્રૂટ રાખવાથી ગમે ત્યારે થોડી પેટપૂજા પણ થઈ જાય છે.

આ પણ વાંચો

જયારે રાધાના શરીરને જોઈને અચંભિત થઇ ગઈ હતી રુક્મણી : શુ તમે જાણો છો આ વાર્તા ?

તમને કદાચ ગમશે

Loading...