Ind Vs Aus : પ્રથમ ટેસ્ટ- ભારત ૨૫૦/૯ પૂજારા ની સદી

43
Loading...

Poojara  બન્યો સંકટમોચન

ચેતેશ્વર પૂજારાની ટેસ્ટ કરિયરની 16મી સેન્ચુરીની સહાયતી ભારતે એડિલેડ ટેસ્ટના પ્રથમ દિવસે 9 વિકેટે 250 રન બનાવી લીધા છે. ભારતીય ટીમ એક સમયે 41 રને 4 વિકેટ ગુમાવી સંકટમાં હતી.

પરંતુ પૂજારાએ પોતાની ધીરજ ન ગુમાવી અને પિચ પર ઊભો રહ્યો. તે આઉટ થનારો દિવસનો છેલ્લો બેટ્સમેન રહ્યો અને 123 રન બનાવી પેવેલિયન ફર્યો.

તેણે પૂંછડિયા બેટ્સમેનો સાથે ઘણા રન જોડ્યા. આગળની સ્લાઈડ્સમાં જુઓ ભારતની ઈનિંગની હાઈલાઈટ

ભારત ના બેસ્ટમેન નો ધબડકો

ભારતીય કેપ્ટન વિરાટ કોહલીએ ટૉસ જીતીને પ્રથમ બેટિંગ લીધી પણ ટીમ ઈન્ડિયાની શરૂઆત આશાથી વિપરિત રહી. દિવસની બીજી જ ઓવરમાં લોકેશ રાહુલ 2 રન બનાવી જોશ હેઝલવુડની બોલિંગમાં એક અનિચ્છનીય શોટ રમી ત્રીજી સ્લિપમાં એરોન ફિન્ચના હાથે ઝડપાઈ ગયો.

મુરલી વિજય પણ 11 રન બનાવી મિચેલ સ્ટાર્કની બોલિંગમાં બહાર જતી બોલ પર બેટ અડાડી બેઠો અને વિકેટકીપર ટીમ પેઈને તેનો કેચ ઝડપી લીધો.

રન મશીન પણ ફેલ

જ્યારે 11 રનના સ્કોરે બંને ભારતીય બેટ્સમેન પેવેલિયન પરત ફરી ચૂક્યા હતા ત્યારે બેટિંગ ઉતર્યો કેપ્ટન વિરાટ કોહલી. તેની પાસેથી ટીમને ઘણી આશાઓ હતી પણ આજે તેનો દિવસ નહોતો.

3 રનના વ્યક્તિગત સ્કોર પર તે પેટ કમિન્સની પહેલી ઓવરમાં આઉટ થઈ ગયો. ઑફ સાઈડ પર શૉટ રમવાના પ્રયાસમાં બોલ હવામાં ઉછળી ગયો અને ગલીમાં ઊભેલા ઉસ્માન ખ્વાજાએ તેનો શાનદાર કેચ ઝડપી લીધો, આ કેચથી ભારતીય ઈનિંગ પર સંકટના વાદળ ઘેરાઈ ગયા.

હાલ્ફટાઈમ પહેલા ૪ વિકેટ નું પતન

વિદેશી ધરતી પર અજિંક્ય રહાણેનો બેટિંગ રેકોર્ડ ખૂબ સારો છે. આ મેચ અગાઉ ભારતમાં તેની બેટિંગ એવરેજ 41.05 જ્યારે વિદેશમાં 45.61 હતી. ઑસ્ટ્રેલિયામાં તો તેણે 51.50 રનની એવરેજથી રન બનાવ્યા છે.

આવામાં ભારતને પોતાના આ બેટ્સમેન પર ઘણો વિશ્વાસ હતો પણ તે એક બેજવાબદાર શૉટ રમીને આઉટ થયો. લંચ પહેલા ભારત 56 રન પર 4 વિકેટ ગુમાવી ચૂક્યું હતું.

રોહિત પહેલા શોટ્સ,પછી આઉટ

હનુમા વિહારીને બહાર કરી ટીમમાં શામેલ કરવામાં આવેલા રોહિત શર્માએ કેટલાક સારા શૉટ્સ રમ્યા. રોહિતે ઑફ સ્ટમ્પની બહાર જતા બોલ પર સંયમ દેખાડ્યો અને નબળા બોલ પર પ્રહાર કર્યો. તે સેટ થતો દેખાઈ રહ્યો હતો.

તે એવી જ ઈનિંગ રમી રહ્યો હતો જેની ભારતને જરૂર હતી પણ તે વધુ આક્રમક બનવામાં ભૂલ કરી બેઠો. નાથન લાયનની બોલિંગમાં પર સિક્સર ફટકાર્યા બાદ બીજા બોલ પર પણ તેણે એવો જ શૉટ ફટકારવાનો પ્રયત્ન કર્યો પણ આ વખતે બોલ હવામાં ઉઠળી ગયો અને 37 રનના સ્કોરે તે હેરિસના હાથમાં ઝડપાઈ ગયો.

પૂજારા એ બચાવી ભારત ની ટીમ ની લાજ

ટીમ ઈન્ડિયાની વિકેટો સતત પડી રહી હતી અને ઈનિંગ જરાય સ્થિર નહોતી લાગતી. જોતજોતામાં 86 રનના સ્કોરે ભારતની અડધી ટીમ પેવેલિયન પાછી ફરી ચૂકી હતી.

127 રનના સ્કોરે ભારતે પંતના સ્વરૂપમાં પોતાનો છેલ્લો બેટ્સમેન પણ ગુમાવી દીધો. છતા પૂજારાએ હિંમત ન હારી અને એક છેડો સાચવીને ઊભો રહ્યો.

પૂજારા ની ૧૬ મી સદી

પૂજારાએ પહેલા અશ્વિન સાથે મળીને 7મી વિકેટ માટે 62 રન જોડ્યા. તે ઈશાંત સાથે પણ ભાગીદારી બનાવી રહ્યો હતો પણ સ્ટાર્ક ઈશાંતને 4 રનના સ્કોરે બોલ્ડ કરી દીધો.

બાદમાં પૂજારાએ શમી સાથે નવમી વિકેટ માટે 40 રન જોડ્યા. આ દરમિયાન તેણે ટેસ્ટ કરિયરમાં પાંચ હજાર રન પૂરા કર્યા અને 16મી સેન્ચુરી પણ ફટકારી. હવે ભારતીય ટીમ એક સન્માનજનક સ્કોર (250/9) પર છે.

જો તમારે અવનવી મજેદાર પોસ્ટ અને આર્ટીકલ વાંચવા હોય તો અમારા આ પેઇઝને લાઇક કરવાનું ભૂલશો નહીં. આ પેઇઝ પર તમને બધી પ્રકારની માહિતી મળતી રહેશે,

જે કદાચ તમે ક્યાંયે વાંચી નહીં હોય. અત્યારે જ લાઇક કરો ફેસબુક પેઇઝ “Gujjutech” ને..

આ લેખનું લખાણ કોપી કરતા પહેલા અમારી લેખિત મંજુરી લેવી જરૂરી છે.

આ લેખ તમને ગમ્યો હોય તો તમારા મિત્રો સાથે શેર કરી શકો છો આર્ટિકલ વાંચવા બદલ આભાર

તમને કદાચ ગમશે

Loading...