India Vs Windies ચોથી વન-ડે : ભારતે રનનો ઢગલો કર્યો,રોહિત-રાયડૂની સદીઓ

India રોહિત શર્મા-અંબાતી રાયડૂએ રંગ રાખ્યો

રોહિત શર્મા (162) અને અંબાતી રાયડૂ (100)ની શાનદાર સેન્ચુરીની મદદથી India  મુંબઈના બ્રેબોર્ન સ્ટેડિયમ ખાતે રમાયેલી સીરીઝની ચોથી વન-ડેમાં પાંચ વિકેટે 377 રનનો વિશાળ સ્કોર બનાવ્યો છે.

જણાવી દઈએ કે, પાંચ મેચોની સીરીઝમાં બંને ટીમો 1-1થી બરાબરી પર છે અને આ મેચ જીતનારી ટીમ સીરીઝ હારશે નહીં તે નક્કી છે.

શાનદાર શરૂઆત બાદ ધવને વિકેટ ફેંકી

India

અગાઉ ભારતીય કેપ્ટન વિરાટ કોહલીએ સીરીઝમાં સતત ચોથી વખત ટૉસ જીતીને પ્રથમ બેટિંગ કરવાનો નિર્ણય લીધો હતો.

ઘણા સમય બાદ ભારતીય ઓપનિંગ જોડી શિખર ધવન(38) અને રોહિત શર્માએ ટીમને સારી શરૂઆત અપાવી હતી. ધવન શાનદાર ટચમાં દેખાઈ રહ્યો હતો.

જોકે, સેટ થઈ બાદ 38 રનના અંગત સ્કોરે તે એક ખરાબ શૉટ રમીને આઉટ થયો હતો.

સીરીઝમાં સતત ત્રણ સેન્ચુરી ફટકારનારો વિરાટ કોહલી આ મેચમાં પણ શાનદાર બેટિંગ કરશે તેવી આશા હતી પણ તે કેમાર રોચની બોલિંગ એક બહારના બોલને રમવામાં થાપ ખાઈ જતા શાઈ હોપને કેચ આપી બેઠો હતો. તેણે 16 રન બનાવ્યા.

શર્મા-રાયડૂ વન-ડે 211 રનની પાર્ટનરશિપ

India

વિરાટના આઉટ થયા બાદ બેટિંગમાં આવેલા અંબાતી રાયડૂએ રોહિતને ભરપૂર સાથ આપ્યો હતો.

બંનેએ સાથે મળીને ત્રીજી વિકેટ માટે 211 રનની વિશાળ ભાગીદારી નોંધાવી હતી.

આ દરમિયાન રોહિતે સીરીઝમાં પોતાની બીજી અને કરિયરની 21મી સેન્ચુરી ફટકારી.

તે જે રીતે રમતો હતો તે જોતા લાગી રહ્યું હતું કે, નિશ્ચિતપણે કરિયરની ચોથી બેવડી સદી ફટકારશે પણ એશ્લે નર્સના એક બહાર જતા બોલને કટ કરવા જતા પોઈન્ટમાં કેચઆઉટ થઈ ગયો હતો.

તેણે 137 બોલમાં 20 ચોગ્ગા અને 4 છગ્ગાની મદદથી 162 રન બનાવ્યા હતા.

રોહિતના આઉટ થયા બાદ રાયડૂએ જવાબદારી ઉપાડી હતી અને તેણે પણ સેન્ચુરી ફટકારી દીધી હતી.

તે 81 બોલમાં 8 ચોગ્ગા અને 4 છગ્ગાની મદદથી 100 રન બનાવી રનઆઉટ થયો હતો.

અંતિમ ઓવર્સમાં ધોનીના ઉપયોગી 23 રનની મદદથી ભારતનો સ્કોર 360 રનને પાર પહોંચ્યો હતો.

વિન્ડીઝના બોલર્સ નિ:સહાય

India

વિન્ડીઝ તરફથી કેમાર રોચને સૌથી વધુ 2 વિકેટ મળી હતી.

જોકે, તે અને અન્ય તમામ બોલર્સે લગભત સાત રનના ઈકોનોમી રેટ સાથે રન ખર્ચ્યા હતા.

રોહિત અને રાયડૂએ વિન્ડીઝના તમામ બોલર્સને ચારેબાજુ ફટકાર્યા હતા.

આ પણ વાંચો : ONE PLUS 6T આજે ન્યૂયોર્કમાં લોન્ચ થશે, લાઈવ ઇવેન્ટ જોવો અહીંયા

તમને કદાચ ગમશે