Virat Kohli : વિન્ડીઝ સામે ભારતની 43 રને હાર, કોહલીની સેન્ચુરી એળે ગઈ

Virat Kohli (107)ની સદી ભારતને જીતાડી ન શકી

પુણે ખાતે રમાયેલી ત્રીજી વન-ડેમાં વિન્ડીઝે ભારતને 43 રને હરાવી પાંચ મેચોની સીરીઝમાં 1-1ની બરાબરી કરી લીધી છે. 284 રનના લક્ષ્યાંકનો પીછો કરતા ભારત 240 રનમાં ઓલઆઉટ થઈ ગયું હતું.

ભારત તરફથી કેપ્ટન Virat Kohli એ 107 રનની ઈનિંગ રમી હતી પરંતુ તે ટીમને જીત અપાવી શક્યો નહોતો.

તેણે સીરીઝમાં સતત ત્રીજી સદી ફટકારી રેકોર્ડ બનાવ્યો.

જોકે, મહત્વના સમયે જ તેની વિકેટ પડતા ભારત મેચ જીતવામાં નિષ્ફળ રહ્યું.

વિન્ડીઝ તરફથી જેસન હોલ્ડર, ઓબેડ મેકોય, એશ્લે નર્સ અને માર્લોન સેમ્યુઅલ્સે 2-2 તથા કેમાર રોચે એક વિકેટ ઝડપી હતી.

નર્સના 95, વિન્ડીઝે બનાવ્યા 283/9

અગાઉ ભારતીય કેપ્ટન Virat Kohli એ ટૉસ જીતીને વિન્ડીઝને પ્રથમ બેટિંગનું આમંત્રણ આપ્યું હતું.

વિન્ડીઝ તરફથી વિકેટકીપર બેટ્સમેન શાઈ હોપે 95, એશ્લે નર્સે 40 તથા શિમરોન હેટમાયરે 37 રનનું યોગદાન આપ્યું હતું.

વિન્ડીઝે પોતાની નિર્ધારિત 50 ઓવર્સમાં 9 વિકેટે 283 રન બનાવ્યા હતા.

ભારત તરફથી આ મેચમાં કમબેક કરી રહેલા જસપ્રીત બુમરાહે સૌથી વધુ 4 વિકેટ ઝડપી હતી.

વિરાટ સિવાય તમામ બેટ્સમેનો ફેલ

284 રનનો પીછો કરતા ભારતની શરૂઆત ખરાબ રહી હતી. ઓપનર રોહિત શર્મા બીજી જ ઓવરમાં આઉટ થઈ ગયો હતો. બાદમાં શિખર ધવન(35) અને Virat Kohli વચ્ચે બીજી વિકેટ માટે 79 રનની ભાગીદારી થઈ હતી.

ધવનના આઉટ થયા બાદ કોઈપણ બેટ્સમેન લાંબો સમય સુધી વિરાટનો સાથ આપી શક્યો નહોતો. બીજી તરફ વિરાટે એક છેડો સાચવીને પોતાની 38મી સેન્ચુરી પૂરી કરી હતી.

વધતા જતા રનરેટના દબાણમાં તે એક બોલ પારખવામાં થાપ ખાઈ જતા બોલ્ડ થયો હતો. તેના આઉટ થતાની સાથે જ ભારતની જીતની આશાઓ ધૂંધળી થઈ ગઈ હતી. ભારતની આખી ટીમ 47.4 ઓવરમાં 240 રનમાં ઓલઆઉટ થઈ ગઈ હતી.

આ પણ વાંચો :  WARREN BUFFETT : રુપિયા લોહચૂંબકની જેમ તમારી પાસે ખેંચાઈ ને આવશે

તમને કદાચ ગમશે