નાણામંત્રી નિર્મલા સીતારમણે રોજગાર પર ( budget ) બજેટ ભાષણમાં મોટી જાહેરાત કરી છે. સરકારે કહ્યું છે કે રોજગાર આપતી સંસ્થાઓને સરકારી મદદ આપવામાં આવશે. નાણામંત્રીએ 10 લાખ યુવાનોને EPFOનો લાભ આપવાની પણ જાહેરાત કરી છે. આનાથી કર્મચારીઓને આર્થિક મદદ મળી શકશે. એટલું જ નહીં, સરકારે એવી પણ જાહેરાત કરી છે કે જો કોઈ કંપની યુવાનોને રોજગાર આપશે તો તેનો પહેલો પગાર સરકાર દ્વારા આપવામાં આવશે. સરકારના આ પગલાથી લાખો નવી નોકરીઓનું સર્જન થશે.
પૈસા સીધા EPFO ખાતામાં આવશે
budget માં સરકારે કહ્યું છે કે પહેલી નોકરી પર સરકાર દ્વારા સીધા EPFO ખાતામાં 15,000 રૂપિયા જમા કરવામાં આવશે. એટલું જ નહીં, સરકાર રોજગારને પ્રોત્સાહન આપવા માટે 3 પ્રોત્સાહક યોજનાઓ શરૂ કરશે. મોટી કંપનીઓમાં યુવાનોના કૌશલ્યને સુધારવા માટે 1 કરોડ યુવાનોને ઈન્ટર્નશિપની તકો પૂરી પાડવામાં આવશે. આ ઇન્ટર્નશિપ 12 મહિના માટે હશે. ઈન્ટર્નને દર મહિને 5,000 રૂપિયા મળશે. ત્યારબાદ તે યુવાનોને દેશની ટોપ-500 કંપનીઓમાં નોકરીની તકો મળશે.
સરકારે કહ્યું છે કે તે આગામી 5 વર્ષમાં રોજગાર અને કૌશલ્ય પ્રદાન કરવા માટે 1 લાખ કરોડ રૂપિયાનો ખર્ચ કરશે. આ સિવાય સરકાર દ્વારા 2 લાખ કરોડ રૂપિયા માત્ર રોજગાર આપવા માટે ખર્ચવામાં આવશે. આગામી 5 વર્ષમાં 4 કરોડ નોકરીઓ આપવાનું સરકારનું લક્ષ્ય છે.
ઈનોવેશન પર સરકારનું ધ્યાન
નાણા પ્રધાન નિર્મલા સીતારમણે મંગળવારે અર્થતંત્રમાં પૂરતી તકો ઊભી કરવા માટે કેન્દ્રીય બજેટ 2024-25માં નવ પ્રાથમિકતાઓની જાહેરાત કરી હતી. આ 9 પ્રાથમિકતાઓમાં ઉત્પાદકતા, રોજગાર, સામાજિક ન્યાય, શહેરી વિકાસ, ઉર્જા સુરક્ષા, ઈન્ફ્રાસ્ટ્રક્ચર, ઈનોવેશન અને સુધારાનો સમાવેશ થાય છે. સીતારમણે સતત સાતમું બજેટ રજૂ કરતી વખતે કહ્યું હતું કે, સરકાર આબોહવાને અનુકૂળ બીજ વિકસાવવા માટે વ્યાપક સ્તરે સંશોધનની સમીક્ષા કરી રહી છે. તેમણે કહ્યું કે આગામી બે વર્ષમાં એક કરોડ ખેડૂતો કુદરતી ખેતી તરફ વળશે. મંત્રીએ કહ્યું કે ઉત્પાદન વધારવા માટે શાકભાજી ઉત્પાદન સંકુલને મોટા પાયા પર પ્રોત્સાહન આપવામાં આવશે. સરકાર 32 કૃષિ અને બાગાયતી પાકો માટે 109 નવા ઉચ્ચ ઉપજ આપતા, આબોહવા-સ્થાપક બિયારણો બહાર પાડશે.
આ પણ વાંચો –નાણામંત્રીએ બજેટમાં ખેડૂત, યુવાન અને નોકરીયાત વર્ગને આપી મોટી ભેટ, જુઓ બજેટની હાઇલાઇટ
